Vladislav Zakirov, "Perspektiva" şirkətinin direktoru
"Perspektiva" sənaye avadanlıqları istehsal edir. İş təcrübəmiz cəmi üç il olsa da, bu nisbətən qısa müddət ərzində Türkiyə, Özbəkistan, Qazaxıstan və Gürcüstan da daxil olmaqla bir sıra ölkələrə tədarük həyata keçirməyi bacarmışıq. Həmçinin Rusiya Federasiyasına tədarüklər reallaşdırır və beynəlxalq bazarlarda iştirak coğrafiyamızı genişləndirməyə davam edirik. Məhsullarımız əsasən B2B seqmentinə yönəlmişdir. Bu, ekstrudə olunmuş penopolistirolun emalı və onun əsasında müxtəlif tikinti materiallarının hazırlanması üçün nəzərdə tutulmuş avadanlıqdır. Xüsusilə, söhbət şüşə lifli tor ilə möhkəmləndirilmiş polimersetment tekstur örtüklü tikinti lövhələrinin istehsalından gedir. Bu avadanlıq, həmçinin sendviç panellərin hazırlanmasında da istifadə oluna bilər. Beləliklə, biz müasir tikinti materiallarının istehsalı sahəsində fəaliyyət göstərən müəssisələr üçün texniki həllər təklif edirik. Sərgidə ilk dəfə iştirak edirik və iki günlük fəaliyyətin ilkin nəticələrindən tamamilə razıyıq. Tədbir müddətində kifayət qədər perspektivli olan bir sıra görüşlər keçirmək mümkün oldu. Azərbaycan və Gürcüstandan olan müəssisələrin nümayəndələri ilə həmsöhbət ola bildik. Bundan əlavə, bizimlə danışıqlar aparmaq üçün xüsusi olaraq Azərbaycana gəlmiş Türkiyə şirkətləri ilə də görüşlər baş tutdu. Şirkətimiz üçün bu cür tədbirlərdə iştirak etmək — öz işlərimizi potensial sifarişçilərə təqdim etmək, müxtəlif bazarların tələbatını öyrənmək və yeni tərəfdaşlar tapmaq imkanıdır. Keçirilmiş görüşlərin səmərəliliyini nəzərə alaraq, sərgidə iştirakımızı müsbət qiymətləndirir və beynəlxalq əməkdaşlığın daha da inkişaf edəcəyinə ümid edirik. Hazırda Azərbaycan müəssisələri ilə danışıqlar aparır və gələcək əməkdaşlıq imkanlarını nəzərdən keçiririk. Eyni zamanda, Səudiyyə Ərəbistanı və Birləşmiş Ərəb Əmirlikləri bazarlarına çıxış perspektivləri də görünür. Buna görə də hesab edirəm ki, sərgi beynəlxalq statusa tam лайıqdır. Şəxsən əmin oldum ki, burada müxtəlif ölkələrin biznes nümayəndələri ilə görüşlər keçirilir. Bu da işgüzar əlaqələrin qurulması, təcrübə mübadiləsi və yeni layihələrin müzakirəsi üçün əlverişli şərait yaradır.
AZ
EN
RU
ZH
